Zad-e-Roz | Deen aur Tibb ki Mukhtasar Rozana Rehnumai
Namaz Ke Liye Aaye Hain, Rasta Rokne Nahin
Tuesday, 8 September 2026 | 25 Rabi al-Awwal 1448 Hijri
Masjid ke bahar ek sahab ne bike padosi ke darwaze ke saamne laga di. Khud ko tasalli di: “Namaz hi to padhni hai, das minute ki baat hai.” Unhi das minute mein ghar wale ek beemar ko bahar le jane ke liye darwaza kholte rahe, magar rasta band tha.
Apni ibadat ki sahulat ko doosre ki takleef par tarjeeh dena deendari nahin. Nabi sallallahu alaihi wasallam ne farmaya: Jo Allah aur Aakhirat ke din par iman rakhta ho, woh apne padosi ko takleef na de. (Sahih Bukhari: 6136; Sahih Muslim: 47)
Masjid pahunchne ki jaldi apni jagah, magar gaadi aisi ho ke darwaza, dukaan ya rasta band na ho. Chand qadam zyada chal lena aasaan hai; kisi ki majboori ko apni namaz ka intezar karana nahin. Ibadat ke liye niklein to peeche takleef nahin, itminan chhod kar aayein.
General education only; not a substitute for personal diagnosis or treatment.
Muallif: Hakeem Muhammad Zaki Al Usmani
Nashir: Muradia Al Furqan Academy, Muzaffarnagar
Rabita: 8006482710
Telegram: @MAFAMZN